BIR – E. Samar iguin-launch an tax campaign 2016
- 4:25PM Jayson Macapanas
- Apr 1, 2016
- 2 min read
Pormal nga iguin-launch han Bureau of Internal Revenue - Revenue District No. 86 (BIR-RD 86) ha Borongan City adton 2016 Tax Campaign ha di pala maiha ha tema nga “ANGAT PA, PINAS”.
Naipatuman an pag-launch pinaagi hin motorcade ha main thoroughfares ha ciudad han Borongan ug sinundan hin halipotay nga programa.
Ha nasabi naman nga programa in iguinhatag ni OIC-Revenue District Officer Atty. Jose Ma. L. Hernandez, CPA, an iya Power Point presentation tungod ha Collection Performance, Activities, Programs, ngan Initiatives han BIR.
Iya guintagan hin doon nga an total collection for the Calendar Year 2015 in umabot ha P 541,064,528.14 nga mas dako kompara ha target goal para ha bug-os nga tuig 2015 nga P 482,873,000.00.
Nahibaruan nga nagkaada hin overshoot nga P58, 191,528.14 o 12.5% nga pagtaas kontra ha tinguha.
Guinkompara guihapon ni Atty. Hernandez adton 2014 total revenue collection P401,714,986.42 — kompara ha 2015 total revenue collection nga umabot ha P541,064,528.14 o pagtaas hin P139,349,541.72 sobra ha goal (34.69%).
Samtang, yana nga tuig in may ada total target goal collection nga 705,585,000.00 iton BIR-RDO-86.
“For this quarter alone — from Jan. to March 8, 2016 — we were able collect the amount of P 95,051,476.94”, siring ni Atty. Hernandez.
Han pakianhan kon maa-achieve an nasabi nga target goal collection para yana nga tuig, in ngumisi la an BIR chief ug nagsiring nga, “I think we can achieve or even surpass that goal. That’s why I appeal to the taxpayers of Eastern Samar to pay correctly and pay early on time to avoid inconvenience. And I will exert more effort and mobilize my staff to strictly impose our Plans and Programs for 2016”, siring niya.
Samtang, usa ha mga naguing highlights ha nasabi nga programa an 'Briefing on Revenue Memorandum Order No. 8-2009 or the Withholding Tax on Election Campaign Expenses ha pag-serbe kumo moderator ni Mr. Francis C. Tonido, Jr.
An ANGAT PA, PINAS’ in adbokasiya ha ilarom han Public Awareness Campaign (PAC) program ug kaparte han Revenue Administration Reform Project (RARP) kumo guin-iimplementar han BIR ha suporta han Millennium Challenge Corporation (MCC) ug han Millennium Challenge Account – Philippines (MCA-P).
PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:
SOURCE: Samuel D. Candido
Comments