Mga kandidato han probinsiya Eastern Samar pumirma ha Peace Covenant

Pumirma an mga Provincial candidates tikang ha Eastern Samar hin peace covenant ug na- vow nga hira in masunod agud nga maseguro an pagbuhat han 2016 Elections nga maguin mahimyang ug makamatuuran.

Guinbuhat an pagpirma han covenant hadton Marso 29, 2016 ha Nativity of Our Lady Cathedral, Borongan City.

Ha nasabi nga program in guinsalin-urog in usa nga misa ni His Excellency Most Reverend Bishop Cripin B. Varquez, Bishop of the Diocese of Borongan.

Ngan ha iya homily, guinsiring ni Bishop Varquez,“When there is Love, there is GOD and when there is GOD there is Peace”.

Iya guin-ayat an mga kandidato nga ug sugad man nga mag-komiter ha Ginoo.

Kahuman han misa in iguinhatag ni Eastern Samar Provincial Commission on Elections (COMELEC) Supervisor Atty. Andrew A. Bido an iya welcome remark.

Ha iya mensahe in iya guintagan hin doon an importansiya hiton covenant signing for Secured and Fair Elections (SAFE). Hiya guihapon in umapila ha ngatanan nga kandidato nga sumunod ha campaign rules and guidelines nga iguintalaan han COMELEC.

Ha parte naman han Philippine National Police (PNP),in guinsiring ni Police Sr. Supt. Romeo P. Campomanes, an Eastern Samar Provincial Police Office Director nga an katungod ha pagbotos in usa nga constitutional righthan kada Filipino.

Sumala ha iya, an katawhan in may ada kagawasan nga pumili han ira karuyag nga manguna han nasud sugad man ha ira lokalidad.

“Let us go hand in hand that the winners of this election are indeed the chosen ones, following the Latin maxim: ‘VOX POPULI EST SUPREMA LEX (The voice of the people is the supreme law)’ “, siring ni Campomanes.

Samtang, nagkomiter naman an Commanding Officer han Philippine Army’s 14th Infantry Battalion (IB) nga hi Lt. Col. Ronnie T. Ebarita, INF (GSC), nga po-protektaran ug seseguruhon an seguridad han katawhan ug nga maguin malinampuson, patas ug tangkod an tiarabot nga pinili-ay.

Iya guihapon ipinanawagan ha mga kandidato nga diri magpadara ha “Permit to Campaign and Permit to Win” scheme hiton New People’s Army’s (NPA)

Ha yana nga pinili-ay in may ada duha nga kandidato ha posisyon pagka-Congressman of the Lone District of Eastern Samar; duha guihapoon ha pagka-Governor; sugad man ha Vice-Governor post; 11 para ha First District Sangguniang Panlalawigan Member; ngan 10 para ha Second District Sangguniang Panlalawigan Member.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: Samuel D. Candido/PIA