Eastern Visayas yana host hiton nat’l ICT ha Nobyembre

Ha kauna-unahan nga higayon in na-awad-an an aton rehiyon, Sinirangan Visayas nga maguing-host region han kanan yana nga tuig National ICT Confederation hiton Philippines (NICP) Summit nga mahinanabo ha Tacloban City ngan Palo, Leyte ha November 10-11, 2016.

Ha guinbuhat nga joint meeting hadton Lunes nga guipangunahan han Regional ICT Committee ug han Eastern Visayas Federation for IT (RICTC-EVFIT), in guinsiring ni EVFIT President Oliver Cam nga adton 8th NICP Summit in pagbubuhaton ha una nga adlaw ug ha ika duha naman an eGovernance Awards ha magkabulag nga lugar.

“This is our chance to showcase to the world that we have recovered from Yolanda because ever since for the past 3 years, the focus has always been on the rehabilitation and recovery,” siring ni Chairman Cam.

Guinsiring guihapon ni Mr. Cam nga ira guinlalauman in at least 400 nga mga participants nga may sumpayan ha ICT companies nga naghahatag hin ICT-related services or products sugad man hiton mga government institutions nga may ada guin-iimplementar o nagpa-plano nga magpatuman hin ICT solutions kumo kaparte han ira service delivery.

“The venue of the first day will be at the Leyte Academic Center in Palo, that’s where the NICP Summit will be held, and we are expecting roughly around 300 to 400, probably as much as 800 because based on previous summits like the one in Legazpi, about 700 people arrived at the event for that one day summit,” siring ni Cam.

Iguinsumat guihapon ni Cam nga ma-focus an keynote speakers ha tema nga “accelerating economy in the region through ICT” nga amo guihapon an tinguha han nasabi nga annual event – nga mai-promote an development han ICT ha bug-os nga nasud ilabi na gud ha pira nga mga host regions.

Kaparte ha nasabi nga event in an pagbuhat hin exhibits ug job fair ha ika-duha nga adlaw, nga ha Leyte Academic Center guihapon nga venue.

“We will invite IT-BPO companies to set up exhibits for their services and their products, and also, to conduct jobs fair,” siring niya.

An EVFIT in usa nga private sector organization nga guinkokomponer hin local ICT companies ngan stakeholders ha Eastern Visayas. Ini in an paghimugso hiton Regional ICT Committee of Eastern Visayas – Regional Development Council (RDC) kumo public-private sector partnership ug member of the National ICT Confederation of the Philippines (NICP) kumo major ICT council nga nagseserbe ha Eastern Visayas. (aen/PIA-8)

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: Neil D. Lopido/PIA