Graft Case kontra kan Libanan, usa daw nga Black Propa

Sumabak daw ha tinatawag nga 'full-scale media operation' ha pagsulod han campaign period an black propagandist han kalaban ha politika ni Marcelino “Nonoy” Libanan agud nga rub-on an reputasyon han three term Congressman han Eastern Samar ug anay Commissioner han Bureau of Immigration ha makusog nga kompiyansa han mga Estehanon ha ira team nga Nacionalista Party-National Unity Party (NP-NUP) Coalition.

Ini in sumala ha usa nga sumat tikang ha Asia Pacific Chronicles. (http://asiapacificchronicles.org)

Ha kontrobersiyal nga issue hiton pork barrel scam, hiya in naakusaran nga daw may naguin-sumpayan Janet Lim Napoles nga, allegedly, an mastermind han Priority Development Assistance Fund (PDAF) scam.

Hi Libanan in yana nadalagan nga gobernador hiton probinsiya Sinirangan Samar kaupod in nagtitikadako daw nga numero hin mga residente nga napanig ha iya team ug kaalyado sumala ha sumat tikang ha Asia Pacific Chronicles.

Guintagan hin doon ni Libanan nga waray hiya naguin-sumpayan ngan diri niya kilala hi Mrs. Napoles tungod ha kwestyunable nga non-government organizations ni Napoles.

Dugang pa hini, in iya daw nahibaru-an nga guin-'forged' an iya perma hadton 2009 samtang diri na hiya congressman han probinsiya hin pira nga mga 'unscrupulous individuals' ha daw tinguha nga mahidabi an iya ngaran ha PDAF Scam ngan ma-'wash-out' an iya powerful political figure.

Ikatulo, in waray daw naisalawad nga kaso ha iya labot la han magtikang an campaign period han makarawat an nasabi nga daw 'fabricated allegation'.

Iya pa guintagan hin doon nga ini daw in usa nga desperado nga pitad ngan 'in aid of political demolition.

Samtang, ka usa nga makusog nga mensahe ha nasabi nga issue in guinsiring ni Libanan nga hiya in andam nga atubangon in anuman nga kaso kontra ha iya ha korte ug proper forum agud nga malinis an iya ngaran. Una na nga nahisumat ni Mer Layson han Pilipino Star Ngayon nga naatubang ha kaso nga 'graft and malversation' hi anay congressman Marcelino “Nonoy” Libanan. Ini in maypaghisumpay ha nawara nga P23 milyon tikang ha iya pork barrel funds nga daw pinaagi ha mga peke nga NGO ni Janet Lim Napoles. Iguinsalawad ha Office of the Ombudsman ala kontra kan Libanan an reklamo han journalist ngan anti-graft crusader nga hi Ferds Sevilla. Sumala kan Sevilla, hi Libanan nga incumbent congressman hadton 2007 in may baratunon daw ha P10 milyones nga iguin-gawad ha Aaron Foundation Philippines, Inc. (AFPI) ngan P13 milyon naman ha Philippine Environment and Economic Association (PEEDA) nga pareho “ghost NGOs” pinaagi han guinbuwag nga Technology Resource Center (TRC). An reklamo in subay ha special audit office report han Commission on Audit (COA). Nadiskubre han COA nga diri kwalipikado an AFPI ug PEEDA kumo mga NGO tungod nga diri rehistrado, waray business permit ngan “diri mahikit-an” an opisina han mga ini, pamatuod nga waray aktwal nga ipatuman an mga pinondohan nga proyekto. Sumala pa ha COA, usa nga supposed supplier an nagpamatuod nga waray hiya magkamay-ada hin anuman nga transaksiyon ha PEEDA ug pinanindugan guihapon han mga beneficiary kuno nga waray hira nakarawat nga livelihood kits tikang ha NGO. PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI: Kuya Jayson M. Balyu-an ni Kuya "Jayson M." SOURCE: Asia Pacific Chronicles

Mer Layson (Pilipino Star Ngayon)