ES PNP nagbuhat hin ground breaking ceremony para ha kauna-unahan nga covered court ha rehiyon, pi

Guinbisita ni Philippine National Police-Regional Director (PNP-RD) 08 Erwin Villacorte an probinsya han Sinirangan Samar ha di pala maiha agud nga pangunahan an ground breaking ceremony han pagtindog hin covered court han Eastern Samar Provincial Police Office Camp Asidillo, Brgy. Alang-alang, Borongan City.

Pinaagi hin simple nga seremonya in guinpasalamatn ni Villacorte hi Eastern Samar Congressman Ben Evardone para han iya inisyatibo nga mag-procure hin pondo tikang ha Trust Receipt Fund han PNP ha tinguha nga mareyalisar an nasabi nga proyekto.

Guinlalauman nga mahuhuman ha sulod hin unom ka bulan an ₱ 4.2 M-project nga magseserbe kumo venue para hit mga buruhaton hiton ESSPO sugad hiton mga assemblies ug conferences.

Magseserbe guihap nga basketball court ug stock room an nasabi nga pasilidad ha panahon hin kalamidad.

“The ESPPO is lucky to have this project for it is the only project of the PNP in Region VIII since the priority of the agency is the construction of PNP buildings”, siring ni Villacorte.

Iya pa guinsiring nga ha pagkayana, in 22 nga mga PNP station in dudrungan nga guintitindog ha bug-os nga rehiyon. Nagtikang na man daman an construction hadton Borongan PNP Station mahuman nga mag-donar hin lote an Borongan City Government ha inisyatibo ni Borongan City Mayor Maria Fe Abunda.

Iguinkalipay guihapon ni Villacorte an sumat nga nagtangdo na nga magdodonar hin lote an Local Government Unit han Balangkayan — ha inisyatibo ni Balangkayan Mayor Allan Contado kun diin ititindog an Balangkayan PNP Station. Una na nga na-divert anay ha iba nga bungto an pondo unta para ha pagtindog han Balangkayan PNP tungod ha kawarayan hin tuna. Pinaagi hini nga proyekto in magkakamay-aada na hin standard PNP station an kapulisan nga diri la madali-dali nga malulusob hin mga magraot nga pwersa.

Ha lain naman nga bahin in iguinpatapod ni Villacorte ha mga local officials han probinsiya nga nagpapadayon an pagtrabaho ha tinguha nga ma-mentenar iton kahimyangan dinhi ha aton rehiyon.

May ada na mga pitad nga iguinpapatuman para maseguro nga diri na maliwat an insidente nga nahinabo ha bungto han Balangkayan. Ug yana, pinaagi ha mandato han Commission on Elections, an PNP — kaupod an Philippine Army — in guinbubuhat an ira ubos nga makakaya agud maseguro in makamatooran nga piniliay ug nagpataapod damn nga paniniguruhan nira nga ini in maguin-mahimyang.

Ha nasabi nga okasyon in pinasalamatan daman ni Villacorte Local Government Units (LGUs) ha ira padayon nga suporta ha mga PNP stations ha ira tagsa-tagsa nga lokalidad pinaagi ha pag-alutaga hin computers, office supplies, ug sarakyan para hira in mas epektibo ha ira responsibilidad.

Ini in simbolo hin pagkaurusa ha mga ahensiya ha tinguha nga makab-ot in mahimyang ug progresibo nga probinsiya, siring ni Villacorte.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

KJM Promotions

SOURCE: Samuel D. Candido