Barangay Kagawad ha Calbayog Samar Patay matapos pusilon ha mismo adlaw han iya Birthday, duha pa sa
- 4:05PM Jayson Macapanas
- Apr 15, 2016
- 2 min read
Usa nanaman sangkay an patay ug duha naman an samaran ha ligaw nga bala ha pinaka bag-o nga insidente may kalabotan ha politika matapos pagpusilon in usa nga Barangay Kagawad ha Barangay Caramayman, Calbayog City, Samar.
Nahinabo an insidente mga alas diyes han aga samtang nakasakay an biktima ha iya motorsiklo tipauli ha ira panimalay agud nga igsalin-urog an ika-50 nga kaadlawon hini.
Kinilala han mga otoridad an biktima nga hi Hon. Lopez Pedresa han Brgy. Carayman, 50 anyos ug residente han nasabi nga siyudad. Kilala daman an biktima kumo usa nga Political leader hiton Nacionalista Party (NP).
Guinpusil hasta ha mamatay an biktima hin waray pa makilal-i nga mga suspetsado sakay hin motorsiklo. Padayon pa nga guin-aaram han mga kapolisan an pangilal-an han mga suspek.
Tinaman naman hin mga ligaw nga bala hira Marilyn Espejo, 40 anyos nga naigo hin bala haa iya sugbong ug hi Jerick Ebanez, 14, pareho residente han nasabi nga Barangay.
Nahibaru-an nga hi Kagawad Pedresa in ika-tulo na nga pinatay ha nasabi nga Barangay tikang han magtikang an panahon han pinili-ay yana nga tuig.
Guintutuuhan nga an biktima in makusog nga politikal leader han Nationalista Party ug suok nga sangkay hin usa nga kandidato pagka-Congressman ha distrito han Calbayog, Samar ug naging personal nga driver daw guihapon han nasabi nga politiko hin pira nga higayon.
Mahinunumduman nga hadton nakalabay nga semana la in usa guihapon nga Political Leader ug Barangay Kagawad ha bungto han San Jorge an pinusil-patay hin waray pa makila-i nga gunman an biktima nga kinilala kan Hon. Noel Ortea. Nahinabo ini matapos nga umatender hin usa nga political rally ha usa nga Barangay han nasabi nga bungto.
Pero, may ada naman iguintutudlok nga suspect an pamilya han pinatay nga Barangay Kagawad.
May daw guihapon nahisumat nga nawawara nga usa nga lalaki ug duha nga babaye nga pareho mga political leader han NP ug pareho guihapon residente han Barangay Canhumandac ug Barangay Tambal nga sakop han Calbayog City.
Nawawara din in usa nga lalaki nga waray pa pagngangarani han paryente hini tikang pa hadton Dominggo. Samtang an duha naman nga babaye nga mga political leader guihapon in nawawara nga sobra duha na kaadlaw an nakakalabay ug hasta ngada yana in padayon pa nga guinbibiling han mga kag-anak.
Nagpapabilin naman nga sarado pa ha anuman nga komento an mga kapolisan han Calbayog ug nagpapadayon pa an ira imbistigasyon ha nasabi nga panmusil.
PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:
Comments