Delay damages ha MCAP-funded road project iguin-iimplimentar yana

Nagbubuhat yana hin "delay damages" an Qinjian Group Company Ltd. ug McBuilders, an construction firm nga nag-implementar han pagtrabaho han road project han Secondary National Roads Development Project (SNRDP) nga pinondohan han Millennium Challenge Corporation-Philippines (MCA-P), tungod ha kapakyasan nga mahuman an proyekto ha nakatalaan nga panahon.

Ini an iguinsumat ni SNRDP Project Director Engineer Rudy Arias ha usa nga interview.

Guinsiring ni Arias nga mga 0.05% han Contract Package 03 project nga kalakip an 64.58 km ug pagbalyu hin unom nga mga tulay tikang ha bungto boundary han San Julian ngan Sulat ngadto ha Balangkayan ug Llorente in waray mahuman ha completion date nga March 13, 2016 kun diin an percentage hini in tupong ha ₱ 1.2 M kada adlaw.

Sumala pa kan Arias, kinahanglan gud nga taposon han mga contractors an proyelto tungod nga hira in pwede makapag-pinalisar ha maximum limit nga maabot 10% hadton contract amount nga ₱ 2.455 B.

Nangangahulugan ini nga an maximum delay damages in posible umabot ha ₱ 240 M nga kukuhaon naman ha natutura nga pondo han CP 03 nga pinondohan han Millennium Challenge Account-Philippines(MCA-P), kaapi na an tinatawag nga retention fund.

Para naman ha natutura nga contract packages — CP 02 ug an CP 04, nahibaru-an pa nga adton MCA-P in diri daw guihapon makarawat hini, kun diri daman mahuman ha nakatalaan nga petsa.

HA iba naman, an pag-kongreto han natutura nga 4-kilometer main carriage portion han CP-2 in mahuhuman ha nakatalaan nga project completion date nga May 15, 2016,

Kalakip hini an rehabilitation han 63.78-kilometer nga dalan tikang ha Hinabangan, Samar hasta ha Sulat, Eastern Samar.

Guinadmiter han SNRDP director nga may ada dako nga tiyansa nga diri mahuman an finishing of slopes nga pannarabaho, sugad man an rehabilitation hin mga tulay, ug an rehabilitation hin mga kanal ha eksakto nga petsa. Salit, sumala ha iya in dako man guihap an posibilidad nga lomobo pa an delay damages hini.

Subay naman hini in magkakamay-ada hin closure event ha contract end hiton SNRDP ug ini in naka-schedule tentatively ha May 13, 2016.

Guinsiiring ni Arias nga guinlalauman nga an nasabi nga dako nga aktibidad in aatenderan ni President Benigno Aquino III ug han Department of Public Works and Highways (DPWH) Secretary nga hi Rogelio Singzon.

Samtang, nahisumat nga san-o pa man an aktibidad in magkakamay-ada anay hin bike run nga magtitikang ha Paranas, Samar nganhi ha Borongan, Eastern Samar.

Magkakamay ada man guihapon hin bike run tikang ha Guiuan, Eastern Samar ug an kada usa in magakatitirok ha Borongan City para hin dako nga programa. Guintagan hin doon ni Arias nga in kapareho nga buruhaton in pirme nga guinbubuhat ha kada may ada nahuhuman nga proyekto nga iguinpatuman an Millennium Challenge Corporation — sugad nala han Kapit-Bisig Laban sa Kahirapan-Comprehensive and Integrated Delivery of Social Services (KALAHI-CIDSS) program ngan han Bureau of Internal Revenue (BIR) modernization in the Philippines.

Pinonduhan han American government ha kantidad nga US $ 214 M, an contract period han SNRDP in magtatapos ha May 25, 2016.

Ha kabug-usan, ini in naglalakip ha rehabilitasyon hin 222-kilometer national highway tikang ha Buray junction hiton Paranas, Samar hasta ha Guiuan, Eastern Samar nga guinlalauman nga makakapagpahapsay ha delivery hiton mga produkto ngan serbisyo, ug pinaagi hini in makakapagpa-upay ha kalidad hiton panginabuhi hiton mga Estehanons.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

KJM Promotions

SOURCE: Samuel D. Candido