5 nga Sundalo samaran ha NPA ambush ha Samar
- 11:17AM Jayson Macapanas
- Apr 19, 2016
- 2 min read
Duro nga nasamaran in lima nga mga Sundalo han gobyerno ha pag-ambush hin mga guintutuuhan nga mga rebelde nga kumunista ha Barangay New San Agustin ha bungto han Basey, Samar, 8:30 a.m. Dominggo, April 17.
Sumala kan Senior Sergeant John Siervo nga usa hadton unom nga mga Army responders, sakay an lima nga mga sundalo hin military vehicle ug guinbabaybay an New San Agustin highway han hira in mabuthan hin landmine nga iguinbutang han New People's Army (NPA) ha nasabi nga dalan.
Nahinabo an insidente ha lugar mga dos kilometros an kahirayoon tikang ha 87th Infantry Battalion Army detachment ha Sitio Guirang, Barangay Rawis.
“After nung apat na malalakas na landmine, ni-rush up ng NPA ang KM450 nila at kinuha ang mga naiwang armas ng mga sundalo,” said Siervo.
Guinsiring pa ni Siervo nga duha la ha lima nga mga samaran nga mga sundalo an nakapag-maniubra nga mag-fire back samtang nahipahirayo para han ira katalwasan tungod nga ngatanan hira in tinamaan hin shrapnel.
Kausa ha mga samaran in hi Senior Sergeant Luisito Abelido, Privates First Class Danilo Silagan, Domie Sanchez, Renato Padernal, ngan Baldonado nga nakatagamtam hin igo hin bala ha magkalain-lain nga parte han lawas. Guindara hira ha hospital ha Tacloban para hin medikal nga atensiyon.
Nahisumat nga umabot ha 30 minutos an balyu-ay hin boto nga waray napatik nga casualty ha magkaluyo nga parte.minutes.
Wasak gud an Army vehicle ug an konkreto nga dalan in may mga hibang guihapon.
guindara daw han mga rebelde an mga higamit han mga tropa han gobyerno sumala kan Siervo kalakip na hini in usa nga M16 assault rifle ug K3 sub-machine gun.
Nahikit-an han responding troopers ug mga pulis ha encounter site in live ug empty shells hin damo nga kalse hin high-powered rifles, fragments han landmine, gamit na nga claymore, blasting cables ngan wires.
“Base sa mga naiwang mga bakas, mukhang kagabi pa sila nag-aabang dito. At kitang-kita naman sa mga naiwan nila sa lugar na mayroon mga 40-50 rebelde ang nagsagawa ng ambush,” siring ni Private First Class Padios.
Mga 14 nga rounds hin unused M60 ammunitions, water bottles, preserved nga pagkaon, improvised bed sheets, NPA white head band, ug pira pa nga mga panapton in nakuha guihap harani ha ambush site.
Pinapangunahan daw hin usa nga Kumander Dulay han Section Committee 2 hadton Regional Guerilla Unit (RGU) han CPP-NPA-NDF nga nag-ooperate ha Paranas-Sta-Rita-Basey-Marabut nga mga bungto an mga NPA fighters nga guinbabana-bana maabot ha 40 hasta ha 50 siring han mga Army responders.
PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:
Comments