Bugto ni PNoy nga hi Kris Aquino umapi kan Mar pangampanya ha Samar
- 4:45PM Jayson Macapanas
- Apr 19, 2016
- 2 min read
Umapi ha kauna-unahan nga higayon ha pangampanya dinhi ha Eastern Samar kaupod hi administration standard bearer Manuel “Mar” Roxas II an bugto han Presidente nga hi television host-actress Kris Aquino kakulop nga adlaw, Lunes.
Nakita ha official Facebook account ni Roxas in picture han Liberal Party presidential candidate ngan Kris nga nanlalamano ha mga taga-suporta samtang naghuhulat ha gawas han Capitol Gymnasium han Borongan.
Dinhi in guinbuhat ni Roxas in multi-sectoral assembly kaupod in 3,000 nga mga local leaders ug representatives tikang ha magkaiba-iba nga mga sectors.
Una na nga nagpatapod hin suporta hi Aquino kan Roxas ug ha running mate hini nga hi Camarines Sur Rep. Leni Robredo, ha Bulacan kun diin guintirok ni President Benigno Aquino III an mga local nga kaalyado hadton nakalabay nga semana.
Nakaschedule man guihapon hi Kris ha pareho nga adlaw ha grand rally han Roxas ngan Robredo tandem ha Calbayog, Samar, ha kinakulpan.
Ha usa nga press conference in guinsiring ni Roxas nga an endorsement han bugto ni President Aquino nga sinusundan hin damo nga mga Pilipino ilabi na an mga kababayen-an in makakapagpakusog ha kandidatura tulo ka semana san-o iton pinili-ay ha Mayo 9.
“Kabahagi ito ng lahat ng pwersa na naniniwala sa matino at maayos. All-in na tayo rito sa laban na ito,” siring ni Roxas.
“Dahil pag hindi nagwagi ang malinis na pamamahala dito, babalik tayo sa madumi, sa maka-diktador na pamamahala na nakita na nating hindi maayos, hindi maganda para sa ating bansa,” dugang pa niya.
Guintutuuhan nga hi Kris ug an tulo nga kabugtu-an hini nga babaye in sumuporta ha kalaban ha kandidatora ni Roxas hadton vice-presidential race han 2010, ngan hi Makati Mayor Jejomar Binay, nga close family friend hiton mga Aquino.
Ha usa nga interview hadton August in waray magsiring hi Kris kun iya susuportahan an presidential bid ni Roxas.
“"Ganito na lang ah, if I will not support the candidate of my brother, I'll shut up,” siring niya hadto.
Han nakalabay la nga Lunes ha guinbuhat nga campaign rally ha Calbayog in hi Kris in nagpakita nga hiya in bug-os nga nasuporta ha kandidatura ni Roxas.
“Sigurado tayo kay Mar Roxas. Kung ano ang buwis na binabayad ng tulad ko, deretso sa bulsa ng Pilipinas,” sirinig hini.
Iguinkampanya han actress hi Roxas san-o pa man umabot hi President Aquino ha venue. Nakipag-inistorya hi Kris hin haros 20 minutos ug guin-entertain an mga tawo ha luyo han duro nga paso ha sulod han Calbayog Sports Center.
“Sabi sa akin ni PNoy, samahan mo ako at tingnan mo kung gaano kalaki ang pagbabago sa Pilipinas. ‘Tulungan mo akong tulungan si Mar Roxas at Leni Robredo para yung pagbabagong yan ay lalo pang lumawak’,” siring niya.
PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:
Comments