Mar dinepensahan an LP ha viral vote-buying video
- 4:34PM Jayson Macapanas
- Apr 19, 2016
- 2 min read
Waray maguin-kausa ha mga palisiya ha pamunoan han Liberal party an Vote-buying. Ini an guinsiring ni Liberal Party standard-bearer Manuel “Mar” Roxas II kakulop ha Calbayog City, Samar.
Iguinpagawas ni Roxas an nasabi nga pahayag may kalabutan ha usa nga viral video nga nagpapakita hin sabot nga taga-suporta ni Roxas nga nag-aaghat ha mga nagkukulaw nga mag-cheer para kan Roxas kabalyu hin envelope, sugad man an magpakiana mahitungod kan Roxas kabalyu guihapon hin usa pa nga envelop.
Sumala kan Roxas nga duro ini niya nga guinkukundinar ug ini in waray manggud daw mahi-api ha ira platform ug practice an nasabi nga binuhatan. Ini in mali, siring han presidential candidate han ruling Liberal Party ha atubangan hin mga reporters.
Iguindugang pa niya nga waray pa niya makulawi an video ngan kun ini man daw in nahitabo in ira pagbibilngon an nasabi nga mga supporters ug ipapahunong an nasabi nga binuhatan.
Kumpiyansa hi Roxas nga makukuha iton kadaugan ha typhoon-hit areas ha Visayas ha luyo hiton nagpapadayon ug damo nga mga kritisismo nga daw waray niya buhata hin insakto an pagbulig ha mga biktima han super Typhoons Yolanda ngan Ruby hadton 2013.
Hiya in secretary hadton Department of the Interior and Local Government (DILG) hadto nga panahon.
Guinlasurbo han Yolanda adton Eastern Samar, Leyte, Capiz ug pera pa nga Visayan provinces hadton November 2013, kun diin umabot ha unom ka yukot an namatay ug bilyones an kantidad hin mga pananom ngan infrastructure an nahibang.
Ha luyo nga bahin in umigo naman an Ruby ha Eastern Samar waray maiha mahuman an Yolanda, kun diin tulo an namatay ug milyones an apektado.
“I feel very good about my chances here because I am banking on the truth. I need not weave fiction because the people here know the truth,” siring ni Roxas ha mga reporters mahuman mangampanya ha Borongan, Eastern Samar, kaupod hi Kris Aquino, nga manghod nga bugto ni President Benigno Aquino III.
Siring pa ni Roxas nga kumo DILG secretary, nai- deliver niya in sobra 10 million nga food packs ha mga biktima han Yolanda.
Iguindugang pa niya nga hiya in nagpabilin ha ground ha paglasurbo han Ruby ha pagseguro nga malinis an kadalanan ug may suplay an mga generators para maibalik an elektrisidad ha pinaka madagmit nga panahon.
PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:
Comments