90 nga indibidwal, pumailarom ha paralegal training and deputation ha Borongan

Pumailarom ha paralegal training and deputation para Borongan City Forest Rangers in 90 nga indibidwal tikang ha 45 nga coastal ug upland barangays hiton Borongan City tikang han March 30 hasta April 01, 2016 ha Borongan City People’s Center, Brgy. Songco, Borongan City.

Sumala kan Department of Environment and Natural Resources - Regional Office 08 Forester Ariana Bael nga an tinguha han nasabi nga training in para magkamay-ada hin igo nga hibabru-an tungod ha obligasyon kumo partner han Borongan City government ha pag-proteher hiton forest and marine resources an mga deputized foresters.

Iguinsiring pa ni Bael nga kaparte han obligasyon han deputized foresters in an maghatag hin report ha government agencies nga concerned tungod ha waray hunong nga pag-abuso ha kagugub-an ug ha aton natural resources ug an 'advocacy on responsible usage of natural resources' para ma-maintain an status hiton kalibungan ngan malimitahan an epekto hiton climate change.

Iya pa iguinpahibaro nga mapailarom guihapon ha follow-up training an deputized foresters ha tinguha nga mas magkaada pa hira igo nga hibru-an ug kapasidad ha pag-tuman hiton ira responsibilidad.

Samtang, nagsiring naman hi Borongan City Environment and Natural Resources Office staff Ms. Vicky Mae Gavilan nga an program in kumo suporta para ha 'Reducing Emissions from Deforestation and forest Degradation (REDD) + System ha mga developing countries. Ini nga REDD+ System, sumala pa kan Gavilan in proyekto han Deutsche Gesellschaft für Internationale Zusammenarbeit o GIZ ngan han LGU Borongan.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

KJM Promotions

SOURCE: Samuel D. Candido/PIA-RO8