Fish Landing Center magpapa-upay 'fish preservation' ha mga fishing villages ha Borongan

Pagtitikangan na hi maiha nga panahon an construction han Community Fish Landing Center (CFLC) ha Brgy. Maypaydan, Borongan City. Ini in mahuman nga magpagawas na an Department of Agriculture - Bureau of Fisheries and Aquatic Resources (BFAR) hin ₱ 2.85-M kumo pondo han nasabi nga proyekto.

Sumala kan Borongan City Agriculturist Office-Fisheries Sector focal person Mrs. Rebecca Balbin, an Community Fish Landing Center in dako an maibubulig ha pagpa-improve pa hiton panginabuhi hiton mga mangirisda ha norte nga mga barangay hiton Borongan City.

May ada han nasabi nga 'fish landing center' kompleto nga post-harvest equipment sugad hin cooling storages agud nga maipabilin an pagka-presko han mga dakop ug ma-mentenar an kalidad kun ini in kinahanglan nga ibaligya upod in iba pa nga mga produkto tikang ha dagat.

Magsesrbe guihapon kumo kills training venue an fish landing center para ha fisheries-based livelihood program.

Kausa an ciudad hiton Borongan ha 14 nga local government units ha probinsiya hiton Eastern Samar an natagan han BFAR hin fish landing center pinaagi ha rekomendasyon han National Anti-Poverty Commission.

Ini in kaparte han tinguha han gobyerno nga ibanan an kapobrehan ug makapaghimo hin economic transformation kumo usa guihap nga target program hiton BFAR nga guintikangan hadton November 2015.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

KJM Promotions

SOURCE: Samuel D. Candido/PIA-RO8