Mga kag-anak, teens, pumailarom ha training on Parent Education on Adolescent Health and Development

Malinampuson nga nahuman hin 13 mag-asawa upod an ira teenage children in duha ka adlaw nga Parent Education on Adolescent Health and Development Seminar Workshop nga guin-buhat hadton Marso 29 hasta 30, hini nga yuig ha Sangguniang Panlungsod Session Hall, Borongan City.

Sumala kan POPCOM-Regional Office 08 Information Officer Reyan Arinto, guinbuhat han POPCOM-8 ug han Local Government Unit Population Office, Borongan an nasabi nga training agud nga magkaada hin dugang pa nga hibabru-an ha pag-andam hiton ira mga anak nga maguin-responsable nga young adults ug kag-anak ha tiarabot nga panahon.

Iguindugang pa nira nga tungod nga an pagtutubo hiton usa nga batan-on in damo iton inaatubang nga mga ayat ha sosyidad kun diin lakip hini in nae-expose hira ha magkaiba-iba nga vulnerabilities. Sugad nala sumala ha iya hiton isyu matungod ha reproductive health ug sexuality, kun diin kinahanglan hiton mga batan-on in kadugangan nga pag-intindi, pag-giya, ug suporta hiton ira pamilya.

Mahitungod naman hini iniguisumat ni Arinto nga an nasabi nga paghag-id in maghahatag hin doon ha importansiya hiton positibo nga relasyon hit kag-anak ngada ha ira mga anak ug han kabataan ngadto daman ha ira mga kag-anak. Lakip na hini dinhi an abrido nga pakikipag-estorya hiton kabataan ha ira mga ginikanan — ilabi na ha mga butang nga may kalabutan ha reproductive health ug sexuality.

Samtang, nahibaru-an tikang kan Borongan City Population Office staff Mr. Mark Lucio Cortado Jr. nga an mga participante nga umatender ha nasabi nga training in mga benepisyaryo hiton Pantawid Pamilyang Pilipino Program o 4Ps beneficiaries ug pinili ini han 4Ps Borongan City agud nga magpa-ilarom nga una ha nasabi nga paghag-id. Iguinsumat guihap ni Borongan City Population Officer Dr. Ethel Lagria nga hira in may plano nga pagbuhaton in kapareho nga training ngadto naman hiton mga barangay hiton ciudad.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

KJM Promotions

SOURCE: Samuel D. Candido