Salcedo nakakarawat hin good governance award tikang ha DOF ug DAR

Guinkilala ha kauna-unahan nga higayon ha history hiton lokal nga pan-gobyernohan hiton Salcedo, Eastern Samar han Department of Finance ug han Department of Agrarian Reform an maupay nga pagpadalagan han bungto hini.

Kinarawat an award ni Salcedo Mayor Melchor Melgar ngan Salcedo Municipal Accountant Felix Duran Jr. tikang ha DOF-Bureau of Treasury, DAR, ug han Municipal Finance Development Office ha guinbuhat nga seremonya ha di pala maiha didto ha central office han Bureau of Treasury.

Sumala kan Melgar, nakakalipay gud an nasabi nga pagkilala ilabi na nga ini naihatag ha iya termino kumo Mayor. An nasabi nga performance-based incentive award han DOF ug han DAR in pagkilala ha waray ika-siring nga pag-patuman ug pagpadalagan han Local Government Unit hiton Salcedo ha aspeto hiton agrarian reform initiatives, budgeting, financial accountability, governance, institutional development, planning, ug procurement resource mobilizations.

Iguindasig liwat ni Melgar nga an pagkilala in kauna-unahan guihap para ha probinsiya hiton Sinirangan Samar, kumo asya la nga Mayor hini nga probinsiya nga nakakarawat hin kapareho nga rekognasyon tikang pa ha duha nga ahensiya hiton gobyerno.

Iguindugang pa niya nga tuig 2014 pa han ira pag-tinguhaon in maupay nga pangobyernohan pinaagi hin transparent ug maupay nga pagmani-obra hiton bungto ug ini in naipatuman pinaagi ha suporta han municipal council, government agencies, ngan han katawhan han Salcedo.

Malipayon daw hiya nga hatagan hin pagtigaman nga aram na han mga katawhan han Salcedo an ira mga responsibilidad ug yana kaparte na an ira bungto ha maupay nga pangobyernohan.

An pagkilala han Department of Finance ngan Department of Agrarian Reform in usa nga pagpamatood hiton tama nga pagmani-obra hiton Salcedo kumo LGU. Ini daw guihapon in magseserbe nga inspirasyon ha ira para ipadayon iton pagseguro nga magtrabaho para ha development ug progreso, dugang pa han Mayor.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

KJM Promotions

SOURCE: Samuel D. Candido/PIA-RO8