Sec. Sarmiento waray inuugapan ha imbestigasyon hiton shooting incident ha Samar

Gin depensahan han Department of Interior and Local Government (DILG) an mga alegasyon nga may inuugupan daw hi Sec. Mel Senen Sarmiento sanglit wara largo katagi hin aksyon an serye han pamatay ha una nga distrito han samar.

Sumala kan Gil Bugaoisan, Media Relations Officer han DILG ha usa nga interview, napopolitika daw la ini nga alegasyon ha iya dara kay nadalagan pagka kongresista an bugto han secretary ha probinsiya han Samar ug kontra hini an mga Tan nga maiha na guihap nga nagpapalakat ha nasabi nga probinsiya.

Ini in kumo baton ha una na nga naging pahayag han gobernador han Samar kun diin dismayado daw ini ha naging aksyon han mga otoridad ha ilarum han DILG, partikular na ha Calbayog City kun diin una nga naging alkalde hi Sarmiento ha sulod hin tulo ka termino.

Pinanindugan ni Bugaoisan nga waray pagpabay-i han secretary an siyudad ngan mas gentututukan pa ini yana nga tikadaratong na iton eleksyon.

Panawagan hini ha mga residente han Samar nga makiusa ha ira kampanya para han pagpugong hit mga krimen kun diin kadak – an it nagiging biktima hini nga mga shooting incidents in mga kilala nga supporters hin mga politiko.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

KJM Promotions

SOURCE: Bombo Radyo