Congressman ug 5 pa, kinasuhan ha pagkadawit slay case ha ex-Samar mayor
- 6:34PM Jayson Macapanas
- May 4, 2016
- 2 min read
Nagsalawad na hin kaso ha Department of Justice Manila hi Rosa Jessica "Aika" Uy-Delgado ala kontra kanda Samar 2nd District Rep. Milagrosa Tan ug lima nga iba pa.
Mahitungod ini ha pagkakadabi ha pagpatay ha anay Calbayog City mayor, lima ka tuig na an nakakalabay.
Hi Aika Uy in anak ni former Calbayog City Mayor Reynaldo Uy nga pinusil-patay adton Abril 30, 2011 ha Hinabangan, Samar.
Labot kan Tan, nahidabi guihapon ha reklamo hira Ronnie Latorre, patod hini nga hi Deo De Gasa ug tulo nga military personnel nga may apelyido nga Sagayap, Pelotin ngan Cayabyab.
Hadton 2013, napiriso hi Latorre ha Eastern Samar Police Station ha pagkakadabi naman ha pagpatay ha usa nga engineer.
Samtang nakapiriso in buluntaryo nga naghatag hin impormasyon hi Latorre ha pagkakadabi hini ha pagpatay kan Uy.
Ha iya affidavit in guin-ako ni Latorre nga hiya ug upat nga iba pa in guinsugulan daw ni Tan para patayon hi Uy tungod nga magkakamay-ada hin recall election ha posisyon hiton pagka-gobernador ha probinsiya han Samar.
Nakalingkod kumo incumbent mayor han Calbayog hi Uy samtang gobernador naman hi Tan.
Una na nga napagdesisyunan nga aatuhan ni Uy hi Tan ha pagka-gobernador mahitungod daw nga karuyag hini nga tuldukan na an 15 ka tuig panunungkulan han mga Tan.
Para naman kan Aika, hiya in dismayado ha mga otoridad tungod ha daw pagtatago han imbestigasyon ha murder case han iya amay.
Ha pagkayana in nadalagan hi Aika ha pagka-bise gobernador han Samar ha ilarom han Liberal Party slate.
Padayon naman an pagguli-at hin hustisya ni Aika para ha iya amay ug para na guihapon daw ha bug-os nga Samarnon.
PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:
SOURCE: Bombo Radyo
Commentaires