Vote Counting Machine ha bungto hiton Matuguinao Samar, sinunog hin mga armado nga kalalakin-an
- 2:32PM Jayson Macapanas
- May 11, 2016
- 1 min read
Guiniimbestigahan yana hiton Commission on Elections (Comelec-8) an insidente hin daw pagkakasunog hin Vote Counting Machine (VCM) ha interior barangay ha bungto hiton Matuguinao, Western Samar pagkatapos la han guinbuhat nga pinili-ay ha nasabi nga bungto.
Sumala kan Comelec Eastern Visayas Regional Director Dennis Ausan, nga may naireport nga mga armado nga grupo nga supporters han Mayoralty bet an daw aada ha luyo han pagsunog ha mga Vote Counting Machines (VCM).
An nasabi nga makinarya in gamit para ha pag-scan hiton balota hin maabot ha 300 nga mga botante ha usa nga clustered precinct ha Barangay Nagpapacao ha bungto hiton Matuguinao Samar
Nagsumite naman hin report an Comelec Regional office-8 ha Comelec en banc agud nga mahibaruan kon makakaapekto ba an 300 nga botos ha Eleksyon.
Mahinunumduman nga kaupod an bungto hiton Matuginao kumo usa ha mga election hotspots tungod ha election-related violence han mga nakalabay nga eleksyon.
PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:
SOURCE: MEL CASPE
Comments