Wanted ha kaso nga Frustrated Murder han 2003 arestado

Usa nanaman nga accomplishment ha OPLAN Tracker Manhunt "Charlie" in iguinkaresto hin usa nga wanted an nakab-ut han Borongan City Police Station (BCPS).

Naaresto in usa nga suspect ha kaso nga Frustrated Murder hadton Mayo 13, 2016 alas 11:45 han aga ha Barangay B., Borongan City.

Ini in resulta ha iguin-implementar nga estratihiya han Lambat Sibat ug mga myembro han BCPS Tracker team nga pinangunahan ni SPO1 Luis P. Nofies III kaupod in tulo nga mga PNCOs.

Guinkilala an naaresto nga hi Romeo Patata y Guasis, 35 anyos, inasaw-an ug temporaryo nga nakaukoy ha Barangay Balud hini nga ciudad.

Inaresto hi Patata pinaagi ha gahom han Warrant of Arrest nga iguinpagawas ni Hon. Judge Rolando M. Lacda-o, an RTC Judge, Branch 1, Borongan CIty para ha kaso nga Frustrated Murder nga kinuha ha Criminal Case Number 11341 nga petsado han July 3, 2003 ug may rekomendado nga piyansa na balur P200,000.00 para hit iya temporary nga kagawasan.

Nakadetener naman yana an naaresto ha Eastern Samar Provincial Jail, Borongan City subay ha detention order nga iguinpagawas ni RTC Judge, Branch 2 Hon. Judge Nathaniel Baldono.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: Borongan Pulis