4 arestado ha magkakasunod nga operasyon han Can-avid MPS

Arestado in upat katawo ha magkabublag nga operasyon han Can-avid Municipal Police Station han nakalaby nga semana.

Ini in resulta hadton mas pinakusog pa nga Intel Driven Operation han nasabi nga buhatan.

Maagahon han ika-13 han Mayo, 04:00AM in guin-aresto han mga elemento han Can-avid Municipal Police Station hi Ruben Baco Resano, 43 anyos, mag-uruma, inasaw-an ug residente han barangay Can-ilay, Can-avid, Eastern Samar.

Ini in magpaghisumpay ha kaso nga pagtalapas ha R.A. 7610 o Anti-Child Abuse Law ug may P 200,000.00 nga piyansa para ha iya temporaryo nga kagawasan nga pinagawas ni Hon. Filotea M. Estorninos, Presiding Judge, RTC Branch 4, Dolores Eastern Samar.

Ha kapareho nga adlaw naman, 4:40PM ngan 05:30PM in guin-aresto han kapulisan han Can-avid hira Nida Alegria Rivera, 41 anyos, may asawa ug residente han Barangay Caghalong, Can-avid Eastern Samar ug usa nga Jimmy Alegria Espeña, 53 anyos, mag-uruma ug residente ha kapareho nga Barangay.

Inaresto hi Rivera ha sala nga pagtalapas ha R.A. 9208 o an Anti-Trafficking in Persons Act of 2003 as amended kun diin waray piyansa nga iguinrekomenda ni Presiding Judge Hon. Tita S. Obinario han RTC Branch 45, Urdaneta City, Pangasinan.

Samtang, inaresto naman hi Espeña ha kaso nga attempted homicide, nga may P 10,000.00 nga piyansa subay ha iguinpagawas nga rekomendasyon ni Hon. Renato Noel C. Echague, Presiding Judge, MCTC Can-avid CMA Eastern Samar.

Dugang pa, in naaresto naman in usa nga Sarhento hadton una nga semana han Mayo, hini nga tuig.

Sumala ha accomplishment report han Can-avid MPS ha ira facebook account in guinkilala an naaresto nga hi SSgt. Felipe Eraya Calipayan, 49 anyos, may asawa ug yana naka-assigne ha 14th Infantry Battalion ha Barangay Dao, Oras, Eastern Samar.

An pagkakaaresto kan Calipayan in koneksyon ha krimen nga Act of Lasciviousness nga may ada piyansa nga P 12,000.00 ha rekomendasyon nga iguinpagawas ni Hon. Renato Noel C. Echague, Presiding Judge, MCTC Can-avid CMA Eastern Samar.

An suspetsado in residente han Barangay 8, Poblacion han Can-avid ur naaresto samtang may ada pinapalit ha usa nga sari-sari store ha Barangay 4 ha nasabi nga bungto.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: Can-avid Pulis