DSWD-RO 08 nanhatag hin wheelchairs ha PWDs, Senior Citizen hit Eastern Samar

Walo nga mga Persons with Disability (PWDs) ug Senior Citizens hiton Borongan City in natagan hin wheelchairs hadton May 13, 2016.

Sumala kan Borongan City Assistant Social Welfare and Development Officer ug PWD and Senior Citizen Focal Person Mrs. Elsie Ador, an mga beneficiaries in mga indigent nga duro gud an panginahanglan hin kapareho nga mobility assistance.

Naideliver an mga wheelchairs ha Borongan City pinaagi han kanan Department of Social Welfare and Development - Regional Office 08 PWD Focal Person Mr. Ben Calzado ha kapareho nga petsa ug diretso nga ipinanhatag han Borongan City Social Welfare and Developmet Office (BCSWDO) ha mga beneficiaries.

Iya iguinsumat nga an panhatag han mga wheelchairs in ayuda han DSWD ha ilarom han Physical Restoration Service Program (PRSP). Bisan pa man nga una na nga nahimugso ini nga programa ha Local Government Units, nagpapadayon la guihapon iton DSWD ha paghatag hin ayuda.

Samtang, kaupod han City of Borongan, an bungto naman han Salcedo in kumarawat guihap hin unom nga wheelchairs.

Guinklaro ni Calzado nga may ada pa 41 nga wheelchairs ha ira opisina ug nakatalaan nga ipanhatag ha magkalain-lain nga LGUs ha Eastern Visayas.

Iya pa guindugang nga an mga wheelchairs nga guinbabana-bana nabalor ha ₱ 6,000 hasta ₱ 8,000 kada usa ngan guin-assemble ha DSWD-RO 08.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

KJM Promotions

SOURCE: Samuel D. Candido/PIA-RO8