DENR chief, 4 nga opisyal kinasuhan re: illegal mining
- 08:38AM Jayson Macapanas
- Jun 11, 2016
- 1 min read
Nagsalawad hin kaso an mga residente ha Guiuan, Eastern Samar ala kontra ha lima nga opisyal hiton gobyerno mahitungod ha diri mahunong nga pagmimina ha nasabi nga lugar.
Sumala kan Larry Pascua, coordinator han Philipphine Movement for Climate Justice (PMCJ), nga nag-ugat an ira reklamo tungod ha diri pagpapatuman han Department of Environment and Natural Resources (DENR) han maiha na nira nga hangyo nga suspendihon an operasyon han Hinatuan Mining Corporation (HMC).
Guinhahangyo guihapon nira Court of Appeals nga magpagawas hin Temporary Environmental Protection Order (TEPO).
Partikular nga guinsalawdan hin kaso in hira Environment Secretary Ramon Paje, sugad man hi Mines and Geosciences Bureau Director Leo Jasareno, MGB regional director ha Eastern Visayas Nonita Caguioa, DENR regional director Leonardo Siballuca; ngan Marlon Ortiguesa, protected area supervisor han Guiuan Marine Reserve Protected Landscape and Seascape.
Diri naman malikayan nga madismaya han mga residente han Manicani, Guiuan, Eastern Samar tungod nga waray daw guinbuhat nga aksyon an (DENR) ug an Mines and Geosciences Bureau (MGB) mahitungod hini.
コメント