P2.21-billion para upgrade nakaalutaga ha 7 nga airports ha Sinirangan Bisayas

May ada naka-linya nga P2.21-billion upgrading projects iton Civil Aviation Authority of the Philippines (CAAP) para ha pito nga mga airport dinhi ha Sinirangan Bisayas. Ini in nakatalaan nga ipatuman ha butnga hiton tuig 2016 ug 2020, ha tinguha nga maka-comply ha yana aviation standards.

Maabot ha P1.59 billion nga kantidad hin proyekto yana nga tuig in para ha Daniel Z. Romualdez (DZR) Airport ha Tacloban, nga amo an pinakasagipo ug premier nga airport ha Rehiyon Otso sumala kan CAAP Eastern Visayas area manager Danilo Abareta.

Kalakip ha nakatalaan nga proyekto para ha DZR Airport in P120.4 million nga leveling hiton runway strip, P11.4 million provision hiton runway end safety area, P2.1 million installation hiton bird control system, P201.5 million construction hiton bag-o nga vehicle parking areas, P300.1 million restoration hiton shoreline protection.

Pira pa ha mga aktibidades in P652.8 million construction hiton bag-o nga terminal building, P253.5 million upgrading hiton yana runway, P2.55 million procurement hin service vehicle, ug P50.2 million acquisition hit maintenance ngan service equipment.

“The biggest project for Tacloban is the new two-story passenger terminal building equipped with passenger loading bridges, departure and arrival conveyors elevators and escalators, flight display system, and security equipment,” siring ni Abareta.

“This upgrade aims to improve the airport’s facilities to current aviation standards and cope with the increasing air traffic demand of Tacloban City and the whole of Eastern Visayas region.”

Ha ilarom hiton timeline hit CAAP, makukumpleto iton bag-o nga terminal building ha September 30, 2018.

An Maasin Airport ha Southern Leyte in makakakuha P151.5 million funding para ha construction hiton flight service station ngan provision hiton navigational facilities. Guinlalauamn ini nga mahuhuman ha December 15, 2019.

An Ormoc Airport ha Leyte in magkakamayada hin duha nga proyekto hasta 2019: the P151.5 million flight service station ngan P20.1 million procurement hiton maintenance ug service equipment.

Samtang, an Catarman Airport ha Northern Samar ug Calbayog Airport ha Samar in makakakuha hin P2.55 million kada usa para ha procurement of service vehicle ngan P20.1 million kada tagsa para ha acquisitions of maintenance and service equipment. Nakatalaan naman nga mahuman ha masunod nga tuig an pareho nga proyekto.

An procurement of equipment para hini nga duha nga operational airports in ha tinguha nga ma-expedite an tanan nga pag-repair ug maintenance works ha sulod ha nasabi nga airport.

Ha gawas naman hiton Tacloban, an airport ha Guiuan, Eastern Samar in makakakuha hin pinakahataas nga budget nga P253 million para ha rehabilitation hiton existing runway ha butnga hiton March 2018 hasta December 2019.

Plano hiton central government nga i-develop an airport nga originally usa nga US Navy air base hadton World War II, para makasuporta ha tourism industry ha aton probinsiya, ilabi na ha Calicoan Island, an natika kilala nga island resort para hiton mga surfers ug beachcombers.

An Hilongos Airport naman ha Leyte, nga guinagamit ha mga emergencies, in makakakuha hin P5.35 millionpara ha construction hin terminal shield nga may ada na check-in counter, departure/arrival lounge, ug waiting area. Ini in usa ha tulo nga airports ha Leyte province. Tikang han ini in itindog, in waray usa nga airline nga nag-operate ha nasabi nga airport.

Nakatotok yana ha kasuguanan iton CAAP Eastern Visayas nga magmaniobra hin airports ha Area VIII: DZR Airport ha Tacloban City, Hilongos, Maasin, ug Ormoc ha Leyte Island; Calbayog, Catarman, Borongan, Catbalogan, ug Guiuan ha Samar Island.

Ha siyam nga airports, tulo la an categorized kumo commercial airports. An mga ini in an Tacloban, Catarman, ug Calbayog. In iba in classified kumo community airports.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

KJM Promotions

SOURCE: InterAksyon.com