Eastern Visayas outbreak update: 4,277 nagkasakit, 47 namatay
- 1:33PM Jayson Macapanas
- Jun 25, 2016
- 2 min read
Ha usa nga update maypaghisumpay ha gastrointestinal disease outbreak ha mga probinsiya hiton Eastern Visayas sugad hiton Samar ngan Leyte, guinsiring ni DOH regional director Minerva P. Molon nga as of hini la nga semana, umabot na ha 4, 277 an apektado nga pasyente kun diin 47 na an namatay.
Nagpapabilin naman iton probinsiya hiton Samar kumo may pinakadako nga ihap hin mga kaso nga umabot ha 2,414 kun diin 35 an naawatan hin kinabuhi.
Pinakaapektado naman an bungto han: Calbiga, 343 nga kaso; Sta. Rita (335 nga kaso); Catbalogan City(329 nga kaso); Basey nga may ada 238 nga kaso; Zumarraga may ada 219 nga kaso; Tarangnan (195 nga kaso); ug Paranas nga may 160 nga kaso.
Guinsagdunan ni Molon an publiko nga seguruhon an paggamit hin talwas ug malinis nga tubig, ngan kun diri segurado, ini in pakaladkaron hin tres minutos san-o inumon ug segurhon guihap nga an mga tirokan o tangke hin tubig in regular nga nalilinisan.
Ha Northern Samar, nagsiring hi DOH Team Leader, Dr. Rommel Francisco nga as of June 19, 1,651 nga mga kaso an nahipatik tikang han June 19, ha bug-os nga 24 nga bungto.
'Poor sanitation' ug 'water contamination' ilabi na ha mga lugar o barangay nga may ada abrido nga guinkukuhaan hin tubig an kadak-an nga guintatahapan nagiging kawsa ha pagkakaada hin diarrhea.
Kumo kabatonan ha nagtitikahataas nga ihap hin mga kaso hin diarrhea ha pipira nga mga bungto hiton Samar, an Philippine Red Cross (PRC) in nag-tindog hin water treatment facility ha bungto hiton Calbiga.
Guinsiring ni Jorge Acuna han PRC nga hira in magsusupply hin talwas ug potable water ha Calbiga hasta ha kataposan hiton Hunyo hini nga tuig.
An nasabi nga 'treatment facility' in nahimumutang ha tupad hiton municipal hall – kun diin may ada duha nga ‘bladders’ nga kaya makapagkarga hin 10 thousand liters hin tubig ug ini in konektado ha mga hose ug ha unom nga tapstands kun diin an mga molupyo in makakakuha hin libre nga malinis, talwas ug mairinom nga tubig.
PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:
SOURCE: Outbreak News Today
Opmerkingen