Red tide alert nagpapabilin ha 2 nga kadagatan hiton Western Samar

Guinpahimatngunan han Bureau of Fisheries and Aquatic Resources (BFAR) han nakalabay nga Huwebes, Hunyo 23, nga adton mga shellfish nga pinanguha tikang ha Cambatutay Bay ug Irong-Irong Bay ha probinsiya hiton Samar province in nagpapabilin nga positibo ha paralytic shellfish poison nga sobra ha regulatory limit.

Ha Shellfish Bulletin 19 hini han June 22, nagsiring an BFAR nga tanan nga klase hin shellfish ug Acetes sp. o alamang nga kinuha tikang hini nga mga lugar in in diri talwas nga kaunon.

May kalabutan hini in guinsagdunan han ahensya an publiko nga diri kumaon, magkuha, magbaligya ug pumalit hin shellfishes ug alamang tikang ha Irong-Irong Bay ngan Cambatutay Bay hasta nga an shellfish toxicity level in maipahabobo na ha regulatory level.

Magkadiano man, guinsiring han BFAR nga an isda, pusit, pasayan ug mga kinis ug mga klase hini ha mga nasabi nga lugar in tal;was kaunon, basta ini in presko pa hinugasan hin maupay ngan tanggalon iton mga sulod ha lawas sugad hiton hasang ug tinae san-o lutoon.

Ha pagkayana, an ahensiya in nagsiring nga an tanan nga mga anay na guin-monitor in talwas na ha nakakahilo nga red tides.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

KJM Promotions

SOURCE: Sunstar Tacloban