77 aada ha payola list ni Kerwin kinasuhan ha Omb.
- 8:28AM Jayson Macapanas
- Sep 13, 2016
- 1 min read
Iguinhatod na ha Ombudsman para masalawdan hin kaso an mga personalidad nga kaapi ha listahan han daw natagan hin payola han dawtop drug lord ha Eastern Visayas nga hi Kerwin Espinosa.
Subay ha listahan han PNP-Albuera pinaagi han chief of police nga hi C/Insp. Jovie Espenido, maabot ha 77 nga mga indibwal an nakatalaan pasakaan hin kaso nga administratibo ug kriminal.
Partikular nga sasalawdan hin kaso in an hagtaas nga opisyal han kapulisan kausa na upat nga heneral, duha nga senior superintendent, lima nga superintendent, walo nga senior inspectors, tulo nga chief inspectors ug 15 nga mga PNCO.
Labot hini in may-ada guihapon kawani hiton gobyerno sugad hin isa nga Senador, usa nga gobernador, usa nga vice governor, upat nga alkalde, duha nga bise alkalde, duha nga baranggay kapitan, unom nga Board Member, ug usa nga PDEA director an papasakaan han nasabi nga kaso.
Posible daw nga pag-ngaranan an mga ini ha pagbisita ni PNP Chief General Ronald Dela Rosa ha Tacloban yana nga adlaw, Setyembre 13.
PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:
SOURCE: Bombo Radyo
Comments