Paghimo hin task force agud kulawan iton kapobrehan ha isla hit Samar iguinduduso

Iguinduduso yana hiton Eastern Visayas Regional Development Council (RDC) an paghimo hin usa nga task force para makahimo hin marshall plan agud nga maibanan iton kapobrehan kha tulo nga probinsiya hiton Samar.

Guinsiring ni Leyte Governor Leopoldo Dominico Petilla, anay RDC chairman nga an nasabi nga task force kinahanglan agud nga mas maintindihan pa problema ha kapobrehan ha bug-os nga Samar Island ug makapag-formulate hin marshall plan.

“The region cannot push for economic growth if the challenge on poverty persists in Samar Island. The economic ranking of the region will never improve if areas in Samar remain poor,” siring ni Petilla, kun diin katatapos pala han iya termino kumo RDC head hadton June 30.

Kumo baton naman han proposal, an National Economic Development Authority (Neda) in nag-alotaga hin pondo para ha research development.

Usa ha mga pag-aram nga naaprobahan para yana nga tuig in an pagtudlok han socio-cultural factors ha poverty situation ha rehiyon.

“Neda Region 8 (Eastern Visayas) allotted P5 million funds to conduct the said study, which will be bidded out to come up with scientific and objective study on the factors and root causes of poverty,” siring ni Neda Regional Director Bonifacio Uy.

Labot ha inisyatibo hiton NEDA, naglalaum guihap iton RDC ha mga pag-aram nga naipatuman pinaagi han implementasyon han Payapa at Masaganang Pamayanan program, kun diin P5 billion nga pondo an nai-download ha mga remote nga kumunidad hiton Samar.

Guin-aaghat guihapon hiton RDC an National Government agencies nga maghimo hin pitad ga suportahan an mga probinsiya han Samar ha mga program hini yana.

Guintudlok han Philippine Statistics Authority an Samar provinces kumo kaapi ha napulo nga lugar nga may-ada hataas nga poverty incidence ha aton nasud.

May-ada an Eastern Samar 55.4 percent nga poverty incidence, samtang an pareho Samar ug Northern Samar in may-ada 43.5 percent. (PNA)

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

KJM Promotions

SOURCE: Sunstar Tacloban