Kaso hin dengue ha Eastern Samar nakakaalarma na

Tumaas an kaso hin dengue ha probinsiya hiton Eastern Samar hin 39%. Base ha pinakaurhi nga datos tikang ha Eastern Samar Provincial Health Office (PHO), 870 nga mga dengue cases na adto'n nahisumat tikang han Enero 01- Setyembre 20, 2016.

Sumala kan Eastern Samar Provincial Center Officer, Mrs. Concesa Balanga, ini nga numero in mas hataas kon ikokompara hadton 338 nga kaso nga nahisumat han kapareho nga panahon hadton 2015 o nagkamay-ada hin paghitaas nga 39%. Iya pa iguindugang nga han yana nga tuig, tulo ka tawo na an naawatan hin kinabuhi tungod ha dengue.

Samtang, pira nga mga kaso hin dengue hadton 2015 — kun diin nag-expire an mga pasyente hini — in waray mahisumat. Kalakip hini nga kaso in otso-anyos nga bata nga lalaki tikang ha ciudad hiton Borongan, usa nga 52-anyos nga lalaki tikang ha Dolores, ug 16-anyos nga babayi tikang ha Oras.

Ha report nga iguinpagawas han PHO, nahibaruan nga an mga dengue cases ha magkalain-lain nga barangay ug bungto in iguin-cluster. Nangangahulugan ini nga kada semana, tulo o sobra pa nga kaso hin dengue an nahipapatik ha mga masunod nga lugar: Poblacion 3, San Policarpo; San Roque, Oras; ug Brgy. Salug, ngan Victory Island ha Guiuan.

Iguinsumat guihapon ni Balanga an datos para ha regional level kun diin hadton September 20, 2016 data, 4,123 nga kaso an nahisumat ngan guinkokomposo han Eastern Samar an 18% hini nga mga numero hin kaso. An ciudad hiton Borongan naman in nakomposo hin 2% han mga dengue cases han probinsiya. Apektado an age group nga 5-9 years old ha bug-os nga Region 8 hiton dengue.

Mahitungod hini, guinpapahinumduman han PHO iton publiko nga ipadayon ngahaw iton paglilinis ha barangay pinaagi han kampanya nga ABAKADA o Aksyon Barangay Kontra Dengue - ilabi na ha mga lugar kon diin nanbobonay an mga lamok. Iguinrerekomenda guihapon ni Balanga adton implementasyon han 4S strategy o Search & destroy mosquito breeding places, use Self-protection measures, Seek early consultation for fever lasting more than 2 days, and Say yes to fogging when there is an impending outbreak. (SDC/PIA-e. Samar)

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

KJM Promotions

SOURCE: PIA Region 8/Samuel D. Candidto