Grupo hin kapulisan hiton E. Samar, naka-enkwentro in mga 'lawless element'

Naka-enkwentro han mga kapulisan hiton Eastern Samar in waray pa kikilal-a nga mga 'lawless' nga elemento kanina han aga.

Nahinabo an insidente 5:50 A.M. han June 8, 2017, kun diin guinsisiring nga napabuthan hin landmine ug naambush an grupo hin kapulisan ha may Sitio Salvacion, Brgy. Biga, Giporlos Eastern Samar.

An grupo hin mga pulis in mga elemento han Giporlos MPS, Eastern Samar PPO nga pinangungunahan ni SPO4 Teodoro Tan kaupod in 3 pa nga PNCOs in tipakadto ha ESPPO agud nga umatender hin PDEA Seminar han maka-enkwentro an mga bandido nga guintutuuhan mga miyembro hiton Communist Terrorist Extortionist o CTE.

Umabot ha 20 minutos an naguin balyu-ay hin boto han duha nga grupo kon diin waray may nahipatik nga samaran o casualty ha parte han gobyerno samtang padayon pa nga guin-aaram han otoridad kon may-ada casualty ha parte han kalaban.

Nahibaru-an nga nagtipakadto na ha lugar in guintig-ub nga pwersa hiton ESPPO ha pangunguna ni PSSupt. Tranquilino A. Araral III, APD ngan RPSMC/PSB8 para hin pursuit operation.

Samtang, nagbubuhat na daman yana hin initial investigation in usa nga team nga pinangungunahan ni PSupt. Noelito Getigan, DPDO nga PCI Rodelio O. Quinto ha lugar kon diin nahinabo an ekwentro.

Dugang pa hini, nasumatan na guihapon an 14TH IB hiton PA ug natagan na hin deriktiba an ngatanan nga units hini nga maguin-alerto ug magtindog hin mga checkpoint ha ira tagsa-tagsa nga area of responsibility.

SOURCE: Marie Tonette Grace Marticio/Facebook Post