Kampanya Federalismo mas pinakusog pa dinhi ha Sinirangan Bisayas

Mas nga guinpakurukusog pa iton kampanya yana ha tinguha nga mahibalyu ha federal form of government dinhi ha Sinirangan Visayas.

Nagtikang han Biyernes an three-day forum on federalism ha Guiuan Friday ug duha pa nga mga bungto hiton Eastern Samar.

Ini in guin-organisa han People’s National Movement for Federalism ha pangunguna ni Dr. Dante V. Liban upod adton Tamang Leader.

An nasabi nga forum in guin-atenderan hin maabot ha 3,000 nga local ug barangay officials tikang ha magkalain-lain nga mga bungto hiton Eastern Samar.

Sumala kan PENAMFED Eastern Samar Provincial Chair Luz B. Evardone nga mahuman ha Guiuan an forum in makadto ha capital town hiton Borongan City ha Sabado ug ha Dolores hiton Dominggo.

Guinsumat ni PENAMFED Secretary General Dan Castillo nga iton mga speakers ha nasabi nga forum in hira Tamang Leader National President Thom Ledesma, PENAMFED Central Visayas Chairman Dr. Paulus Cañete ug Eastern Visayas Chairman Pedro Felicen Jr.

Siring pa ni Castillo nga iguin-esplikar han mga speakers ha mga partispante in damo nga benepisyo para ha Eastern Visayas ug pira pa nga rehiyon ha ilarom hin usa nga federal government, kon diin amo iton guin-duduso yana ni President Duterte.

Guintikangan an federalism campaign ha Eastern Visayas hadton September 16 han nakalabay nga tuig han magpanyakan hi Senate President Aquilino Pimentel Jr. ha usa nga furom ha Leyte Academic Center ha Palo nga guin-organisa han PDP Laban Regional Officers nga hira Marie Marjorie Jaramilla, Joel R. Caminade ug Rotary Club of Tacloban President Jose Julio.

Iguin-esplikar ni Pimentel nga iton Sinirangan Visayas in maguinguin-usa nga federal state kon diin unom nga senador an maguiguin-representante hini.

SOURCE: Manila Bulletin/Nestor Abrematea