VSU, iguin turn-over in flood hazard, resource maps ha pira nga bungto hiton Sinirangan Bisayas

Mahuman in tulo ka tuig nga pag-inaram, nai-turn over na guihapon han Visayas State University o VSU in 'high resolution maps' ug 'data' pinaagi hin CDs ngadto ha mga representatives hiton local government units ha 5 nga mga probinsiya hiton Rehiyon 8.

Kada, tuig, sobra 20 nga bagyo iton nabisita ha aton nasud, rason nga an aton kumunidad in mas harani ha kadelikaduhan sugad hiton babaha. Labot la ha disbentaha nga durot hini hiton kanan aton nasud agricultural resources, in guihapon in nagbubutang ha kadelikaduhan hiton aton mga kinabuhi mahitungo hini nga mga hazards.

Salit ,hini nga ayat, usa nga pag-aram o research team tikang ha Visayas State University (VSU) ha Baybay City, Leyte in naghimo hin 'hazard and resource maps' para ha maabot ha 40 nga mga bungto ug ciudad tikang ha mga probinsiya hiton Leyte, Southern Leyte, Samar, Eastern Samar, ngan Northern Samar.

Nagtikang an Philippine Light Detection and Ranging (Phil-LiDAR) research project hadton 2014, kun diin pinagunahan ini pinaagi han Disaster Risk and Exposure Assessment for Mitigation (DREAM) Program hiton University of the Philippines, Diliman.

An nasabi nga programa, kun diin guinpondohan han Department of Science and Technology (DOST), in naipatuman ha bug-os nga nasud pinaagi hin pakikipagburubligay ha higher education institutions ha magkalain-lain nga rehiyon kumo partners.

Pinangunhan han VSU an implementasyon hini para dinhi ha Eastern Visayas.

Hadton Mayo 26, nag-turn over an VSU Phil-LiDAR 1 and 2 projects hin high resolution maps, ngan data ha mga CD ha mga representatives han local government units ha 5 nga probinsiya hiton Region 8 makalabay in 3 ka tuig nga pag-aram o research.

An mga flood hazard maps, nga iguin-produce pinaagi han Phil-LiDAR 1 in nagsusulod hin mga impormasyon may kalabutan ha pagbana-bana ha kahalarumon hiton baha ug an lebel hin kadelikaduhan ha lugar nga harani ha mga river basins. Ha lyo nga bahin, an nasabi nga resource maps, nga naipagawas pinaagi han Phil-LiDAR 2, in nagpapakta naman hiton agricultural, forestry, coastal resources hin usa nga bungto o ciudad, sugad man an potential renewable energy sources, ug hydrologic data.

“The project both acquired aerial and elevation topography, and ground surveys to produce digital elevation models and come up with the flood hazard maps,” siring ni UP Diliman Phil-LiDAR 1 Chief Science Research Specialist Christopher Uichanco.

Guinsiring pa ni Uichanco nga dako it iya paglaum nga an output hiton VSU in makakabulig ha mga local government units (LGUs) nga maghimo hin kumprehensibo nga flood advisory systems ngan design mitigation measures nga nakabase ha datos tikang ha iguinhatag nga mapa.

SOURCE: Rappler